enrutat
Баш бит / Кул эшеләре буенча мастер–класс
Кул эшеләре буенча мастер–класс

Кул эшеләре буенча мастер–класс

Бөтендөнья татар конгрессы Башкарма комитеты  “Ак калфак” татар хатын-кызлары иҗтимагый оешмасы милләтебезнең кием атрибутикалары булган, калфак һәм изү эшләргә өйрәтү буенча мастер–класс уздырачак. Әлеге мастер–класста Татарстан Республикасы районнарында һәм Русия  төбәкләре җирлекләрендә эшләп килүче “Ак калфак” оешмалары әгъзалары катнашуы көтелә. Мастер–класста катнашучыларның татар милли киеменнән килүе сорыла һәр оешмадан бары тик бер генә вәкил катнаша ала.

Чара 8–10 сентябрь көннәрендә узачак. Программа буенча, 8 сентябрь көнне калфак, ә 9 сентябрь көнне изү тегү һәм чигү буенча мастер–класс узачак. Мастер–класстан тыш, мәдәни чаралар да каралган: “Казанның 1000 еллыгы” музее, Г.Тукай әсәрләре буенча “Сөйкемле шүрәле” бәйгесендә катнашкан балалар кул эшләре күргәзмәсе, “Казан” милли–мәдәни үзәгендә оештырылган рәссамнар һәм һөнәрчеләрнең эшләре белән танышу, “Кызлы йорт”- бер гаиләдә туып үскән  кызлар концертын карау каралган.

Мастер–классны “Ак калфак” хатын-кызлар иҗтимагый оешмасының Идарә әгъзасы, остаз Ләйсән Һаҗиева алып барачак.

Белешмә: Ләйсән Хаҗиева – модельер, Татар костюмы студиясе җитәкчесе, телевизион тапшырулар алып баручы, мода өлкәсендәге халыкара бәйгеләр лауреаты, Русия модасы бәйгесенең гранд–призеры, “Милли музыка премиясе” стилисты. Татар эстрадасы җырчылары белән эшли. Казан җиңел промышленность техникумын; Алман мода академиясын; Пермь мода мәктәбен, Мәскәүдә конструирование курсларын тәмамлаган.

Безгә Telegram'да язылыгыз.

Фикер калдырырга

Обязательные поля отмечены *

*