3–14 июнь көннәрендә Кытай Республикасының Өремче, Колҗа, Алтай, Чәүшәк шәһәрләрендә яшәүче милләттәшләребез башкалабызда кунак булды.
Казанның Мәскәү районында урнашкан “Ярдәм” мәчете белән танышу кунакларны тан калдырды. Колаклары ишетмәгән, күзләре күрмәгән, сөйләшә белмәгән инсаннарга яңа тормыш, яшәргә өмет бүләк итүче “Ярдәм” фонды бүгенге көндә Русиядә бердәнбер һәм монда чит илләрдән килгән, хәттә башка милләт вәкилләренә дә ярдәм күрсәтелә.