Бөтендөнья татар конгрессының һәр корылтае халкыбыз тормышындагы зур вакыйга. Ләкин 2012 елның декабрендә үткән бишенче корылтай милли хәрәкәттә катнашучылар өчен бигрәк тә мөһим. Чөнки киләсе 2017 елда Бөтендөнья татар конгрессының чираттагы VI корылтае җыелырга тиеш. Аның делегатлары V корылтай карарларын үтәү, яңа максатлар билгеләү өчен җыелачак. Шуңа күрә менә шушы корылтайның ничек үтүе, нинди бурычлар билгеләве турында сөйләүче видеоязманы яңадан карап, 2012 нче елның декабрь көннәрен искә алыйк.