10-11 август көннәрендә Мәскәү өлкәсендә “Йолдызлар яңгыры” яшьләр фестивале узачак. Фестивальне уздыру даталары юкка гына сайланмаган –  нәкъ менә шушы көннәрдә елның иң якты йолдызлары атылуы көтелә!

Быел фестиваль икенче тапкыр үткәрелә. Чарада теләгән һәркем катнаша ала. Моның өчен форманы тутырып, теркәлү узарга кирәк

Фестиваль Сергиев Посадтан ерак түгел, «Кочевник» этнопаркында узачак.

Фестиваль программасында:

• Татарча воллейбол турниры;
• “Чикләвек” интеллектуаль уен-квизы
• Татар мафиясе уены буенча турнир;
• “Имамнан сора” акциясе;
• Hand made ярминкә;
• КВН мәктәбе;
• Ораторлык сәнгате буенча мастер-класс;
• Экоквест;
• Мәчеттә бәйрәм намазы;
• Чакырылган спикерларның чыгышлары;
• Tatar Speaking Club;
• Җәядән ату;
• Көймәләрдә йөрү;
• “Кочевник” технопаркы буенча экскурсия;
• Балалар программасы;
• Йолдызлы күк астында дискотека;
• Милли бию буенча мастер-класслар һ. б.