Татарстан премьер-министры урынбасары, Бөтендөнья татар конгрессының Милли шура рәисе Васил Шәйхразыев “Кургансемена” фәнни-җитештерү агрохолдингының элеваторында булды. Агрохолдингның Директорлар советы рәисе татар кешесе – Марат Исламов.

Васил Шәйхразиевка агрохолдинг эшчәнлеге һәм ирешелгән уңышлар турында сөйләделәр.

“Кургансемена” агрокомплексы” бөртекле һәм кузаклы культураларның элиталы орлыкларын җитештерә һәм сата. Аның үз фәнни үзәге бар, биредә эшләнгән яңа сортлар Россиянең 30дан артык төбәгендә кулланыла.