Татарстан Республикасы Премьер-министры урынбасары, Бөтендөнья татар конгрессы Милли Шура рәисе Васил Шәйхразыев җитәкчелегендәге Татарстан делегациясе эш сәфәре белән Прокопьевск шәһәрендә. Бүгенге көн программасы биредә төзелә торган мәчеткә баруны үз эченә алды.

Билгеле булганча, мәчет инде түбә астында. Бинаның гомуми мәйданы 800 кв. метрны тәшкил итә. Төзелеш эшләре 2025 елга тәмамланыр дип көтелә. Яңа мәчет имамы Марсель хәзрәт Кантиков булачак.