Муса Җәлил исемендәге республика премиясе конкурсына гаризалар кабул итү озайтылды. Конкурсның нигезләмәсе белән Татарстан Яшьләр эшләре министрлыгы сайтында танышырга мөмкин.
Гаризалар 20 гыйнварга кадәр кабул ителә. Исегезгә төшерәбез, премия ике елга бер тапкыр, дүрт номинантка бирелә: бу — 30 яшькә кадәрге талантлы вәкилләргә, шулай ук 30 яшьтән өлкәнрәк аерым авторларга, яшьләр белән эшләүче коллективларга, иҗади берләшмәләргә, яшьләр программаларын гамәлгә ашыруга керткән вәкиллргә. Конкурска йомгак шагыйрь Муса Җәлилнең туган көнендә ясалачак.
