Омскида Клара Кучковскаяның себер алфавитында язган “Сагыну” китабының презентациясе булып узды.
Төмән өлкәсеннән кунаклар Омскиның иҗтимагый оешмасы шәһәр татар милли-мәдәни мохтарияте каршында эшләүче “Ак Калфак” оешмасы чакыруы буенча килде.
Бер уңайдан Төмән кунагы Максим Сагыйдуллин, себертатар сүзлеген һәм алфавитын булдыруның әһәмияте турында сөйләде. Әбүзәр Миннибаев себер татарларының борынгы уен коралларында уйнады, борынгы җырларын башкарды. Омскиның Пушкин исемендәге өлкә үзәк фәнни китапханәсендә уздырылган әлеге очрашуда авыллардан махсус килгән катнашучылар да булды.
“Ак калфак” оешмасы,
Омск шәһәре
