Бүген Оренбургта Татарстан киносы көннәре башланды. Ачылу тантанасында зал халык белән шыгрым тулы. Кунакларны шәһәрдәге “Тургай” фольклор ансамбле хөрмәтләп каршы алды. Казаннан режиссер Рамил Фазлыев, Г. Кариев театры артисты Илфат Камалиев та килгән иде.

Оренбургта яшәүче милләттәшләребезнең 3 нче март көнне “Мулла” һәм “Корыч” фильмнарын карау мөмкинлеге бар. Шулай ук режиссерлар һәм артистлар белән очрашу да көтә.

14.00- “Корыч”
16.00 -“Мулла”