18 декабрьдә Пенза өлкәсенең татар милли-мәдәни автономиясе каршында оеша башлаган хатын-кызлар шурасының беренче утырышы узды. Әлегә аңа 20 кеше теркәлде. Бу ханымнар арасында иҗтимагый оешмаларда, мәдәният. мәгариф өлкәсендә эшләүчеләр, эшмәкәрләр дә бар.

Утырышка шулай ук Пенза өлкәсенең милли-мәдәни автономиясе башкарма комитеты әгъзалары чакырылды. Автономия рәисе урынбасары Зәкиҗан Куряевның чыгышы ханымнарга аеруча нык тәэсир итте. “Тел бар – халык бар. Хатын-кыз булса, димәк гаилә дә, бала да, өй дә, гореф-гадәт тә була”, – диде ул.

Утырышта идарә, президиум, рәис һәм аның урынбасарлары сайланды. Устав проекты турында фикер алышу да булды. Тагын бер айдан үтәчәк утырышта 2014 елга эш планы да расланачак.