Әлеге минутларда Бөтендөнья татар конгрессы башкарма комитеты рәисе Ринат Закиров Курган өлкәсе губернаторы Алексей Кокорин белән очраша. Очрашуда татар телен саклап калу һәм мәдәниятне үстерүгә кагылышлы мәсьәләләр карала. Киңәшмәдә Бөтендөнья татар конгрессы башкарма комитеты Бюросы әгъзалары, губернаторның урынбасарлары Вадим Шумков, Александр Карпов, РФның Дәүләт Думасы депутаты Василий Шишкоедов, Өлкә Думасы депутатлары Дмитрий Фролов, Марат Исламов, Курган шәһәре башлыгы Сергей Руденко, Курган өлкәсе Татар конгрессы рәисе Марат Юнысов, аның урынбасары Әхмәдулла Хәмидуллин, Урал төбәге мөфтие Ринат Раев, Урал арты халыклары ассамблеясенең рәисе Владимир Уфимцев катнашалар.