Бөтендөнья татар конгрессының Башкарма комитеты башлыгы Ринат Закиров бүген Казанга Бөтендөнья татар яшьләре форумында катнашу өчен килгән дөньякүләм танылган астрофизик Рәшит Сөнәев һәм аның хатыны Гүзәл Сөнәеваны кабул итте.

Рәшит Сөнәев Конгресс җитәкчесен юбилее белән котлады. Ринат Закиров шундый мәртәбәле кешенең Бөтендөнья татар яшьләре форумында катнашырга ризалык бирүе өчен рәхмәт әйтте. Бөтендөнья татар конгрессының Башкарма комитеты башлыгы Рәшит Сөнәевка Конгресс эмблемасы төшкән сәгать, Гүзәл Сөнәевага калфак бүләк итте.