Новокузнецк шәһәренең татар автономиясе һөнәри бәйрәмдә быел аеруча актив катнашты. Бәйрәм уңаеннан, татар музее халкыбызның көнкүреш кирәк-яракларын күрсәтте.

Бәйрәм кунаклары арасында Кузбасс һәм Россиянең атказанган шахтерлары: җитештерү алдынгылары, күмер оешмалары җитәкчеләре бар иде. “Ак калфак” оешмасы вәкилләре кунакларны милли ризыклар, хуш исле чәй, җырлар белән каршы алды.

Бу бәйрәмне оештыруда Гөлсинә Гәйнетдинова, Гелсинә Абдуллина, Олеся Шәрипова һәм Елена Камык актив катнаштылар. Яңгырлы булуга карамастан, бәйрәм искиткеч узды.

Гөлсинә Гәйнетдинова