Симферополь янындагы Дубки авылында тантаналы мохиттә яңа мәчет төзелеше башланып китте. Тантанада Кырым мөфтие хаҗи Эмирали Аблаев, хакимият органнары вәкилләре һәм җирле халык катнашты.

“Мөселманнар тормышында мәчет – ул рухи чисталыкның гәүдәләнеше һәм дөрес юлга чакыру” – дип билгеләде Аблаев тантанада.

Мөселман гыйбадәтханәсе 450 кешегә исәпләнгән булуы турында хәбәр ителә. Мәчеттән тыш бинада мәдрәсә урнашачак. Комплекс тирәсендә парковка булдырылачак. Төзелешне 2020 елдан да соңармыйча төгәлләү ниятләнә.

http://islam-today.ru