Сургут шәһәре “Ак калфак” татар хатын-кызлар берлеге быел да үз эшен дәвам итә. Ханымнар Бажов урамы 31 йортта урнашкан татар үзәгендә якшәмбе 15:00, чәршәмбе 16:00 сәгатьләрдә җыела.
- Әгәр дә кул эшләренә өйрәнегә, безгә кушылырга теләсәгез, языгыз. Быел татар халкының чигү үрнәкләрен өйрәнербез, сөлгеләр чигәрбез, өстәвенә бәйләм бәйләү, калфак тегү, төсле тасмалар белән чигү, бисер белән чигү, шәл бәйләү, мунчала бәйләү кебек дәресләргә дә өстенлек бирелер. Безнең белән булыгыз!Дәресләр түләүсез, – ди “Ак калфак”лылар.
