“Кем дә кем ураза тотучыны авыз ачтырса, яки ифтар мәҗлесе оештырса, ураза тоткан кешеләрнең савабы ул кешегә дә язылыр, әмма ураза тотучының савабы һич тә кимемәс”, — диелә бер хәдистә. Быелгы ифтар гомуми үзизоляция режимы кертелү сәбәпле элеккечә – мәчетләрдә, өйләрдә җыелып авыз ачу форматында үтми. Шул сәбәпле Бөтендөнья татар конгрессы Уфада ифтар ризыкларын ланч-боксларда өйгә китереп бирү, яки сөйләшенгән урынга килеп алуны оештырды. Әлеге җыелмалар Бөтендөнья татар конгрессының Башкортстандагы вәкиллеге ярдәмендә “Ихлас” кафесында җыела.

Шундый ланч-боксларның бер өлеше Башкортстандагы татар иҗтимагый оешмалары вәкилләренә, ветераннарга, мәчет эшчеләренә, мохтаҗларга таратылды.