enrutat
Баш бит / Татарстан президенты кырымтатар театрына автобус бүләк итте
Татарстан президенты кырымтатар театрына автобус бүләк итте

Татарстан президенты кырымтатар театрына автобус бүләк итте

Өр-яңа, зур «Hyundai» автобусын театрга тапшырганда Татарстанның Кырымдагы даими вәкиле Илмир Тимергалиев: «Инде кырымтатар артистлары һәммә уңайлыклары булган автобуста гастрольләргә бара алалар», диде. Шулай ук театр өчен компьютерлар, башка техник җиһазлар да бүләк ителде.

«Безнең әлбәттә автобусыбыз бар иде, без Кырымның төрле регионнарына гастрольләргә барабыз, ләкин мондый заманча автобусыбыз әле юк иде», дип кырымтатар театры артистлары Татарстан президентына рәхмәтләрен белдерделәр.

Театрга ярдәм итү мәсьәләсен август ахырында Казанга ясаган сәфәре вакытында Кырым дәүләт шурасының вице-спикеры Ремзи Ильясов күтәргән иде. Шулай ук бу очрашуда Кырым дәүләт шурасының утырышлар залын заманча техник яктан җиһазлаштыру хакында да сүз барган.

Билгеле булганы кебек, Кырым Русия кулына күчкәннән соң Татарстан Бакчасарай районына куратор итеп билгеләнгән иде. Бакчасарай Татарстанның тагын бер районы кебек кабул ителә дигән сүзләр дә юк түгел. Татарстан премьеры һәм Бакчасарай район администрациясе арасында турыдан-туры электрон элемтә дә урнаштырылды.

Апрель ахырларында Татарстанның урман хуҗалыгы министрлыгы Бакчасарайга ике мең чыршы, тополь агачлары китереп парк булачак урынга утыртып киттеләр.

Хан сарае тарихи-мәдәни тыюлыгы хезмәткәрләренең эш хакларын түләү өчен Казан акча бирде, чөнки тыюлыкның дүрт миллион һривняга якын акчалары билгеле сәбәпләрдән Украинада калды. Тыюлыкның электр, сигнализация белән бәйле мәсьәләләрен чишәргә ярдәм иттеләр. Район идарәсе, район шурасы эшен яхшырту өчен машиналар аердылар, су мәсьәләсе булган урыннарда проект документлар әзерләнде, коелар бораулаячаклар. Районны газлаштырып бетерү мәсьәләсен өйрәнәләр, каядыр юлларны да төзекләндерәчәкләр. Бу эшләрне Бакчасарайда Татарстан финансларга җыена.

Ә инде Акмәчеттәге кырымтатар театрына автобус аеру бу мөһим мәдәни учакка махсус ярдәм итү гамәле булса кирәк. Июнь аенда Татарстан президенты кырымтатар телендә нәшер ителүче «Йолдыз» әдәби-нәфис журналына да матди ярдәм күрсәткән иде.

«Азатлык» радиосы

Безгә Telegram'да язылыгыз.

Один комментарий

  1. Bähzat Aktash

    Latin’gä küçerü kıyın tügel. Saytıgızga gumun Latin’ga küçerü programın estäsä idegezçe!

    TATARSTAN PREZİDENTI KIRIMTATAR TEATRINA AVTOBUS BÜLÄK İTTE
    Ör-yäña, zur «Hyundai» avtobusın teatrga tapşırganda Tatarstannıñ Kırımdagı daimi väkile İlmir Timergaliev: «İnde Kırımtatar artistları hämmä uñaylıkları bulgan avtobusta gastrol’lärgä bara alalar», dide. Şulay uk teatr öçen komp’yuterlar, başka texnik cihazlar da büläk itelde.

    «Bezneñ älbättä avtobusıbız bar ide, bez Kırımnıñ törle regionnarına gastrol’lärgä barabız, läkin mondıy zamança avtobusıbız äle yuk ide», dip Kırımtatar teatrı artistları Tatarstan prezidentına räxmätlären belderdelär.

    Teatrga yärdäm itü mäs’äläsen avgust axırında Kazanga yäsagan säfäre vakıtında Kırım däülät şurasınıñ vitse-spikerı Remzi İl’yäsov kütärgän ide. Şulay uk bu oçraşuda Kırım däülät şurasınıñ utırışlar zalın zamança texnik yäktan cihazlaştıru xakında da süz bargan.

    Bilgele bulganı kebek, Kırım Rusiyä kulına küçkännän soñ Tatarstan Bakçasaray rayonına küzätüçe (kurator) itep bilgelängän ide. Bakçasaray Tatarstannıñ tagın ber rayonı kebek kabul itelä digän süzlär dä yuk tügel. Tatarstan prem’erı häm Bakçasaray rayon administratsiyäse arasında turıdan-turı elektron elemtä dä urnaştırıldı.

    Aprel’ axırlarında Tatarstannıñ urman xucalıgı ministrlıgı Bakçasarayga ike meñ çırşı (çam), tupıl (Kavak) agaçları kiterep park bulaçak urınga utırtıp kittelär.

    Xan sarae tarixi-mädäni tıyulıgı xezmätkärläreneñ eş xakların tüläü öçen Kazan akça birde, çönki tıyulıknıñ dürt million Grivna ga yäkın akçaları bilgele säbäplärdän Ukrainada kaldı. Tıyulıknıñ elektr, signalizatsiyä belän bäyle mäs’älälären çişärgä yärdäm ittelär. Rayon idaräse, rayon şurası eşen yäxşırtu öçen maşinalar aerdılar, su mäs’äläse bulgan urınnarda proekt dokumentlar äzerlände, koelar boraulayäçaklar. Rayonnı gazlaştırıp beterü mäs’äläsen öyränälär, kayädır yullarnı da tözekländeräçäklär. Bu eşlärne Bakçasarayda Tatarstan finanslarga cıena.

    Ä inde Akmäçettäge Kırımtatar teatrına avtobus aeru bu möhim mädäni uçakka maxsus yärdäm itü gamäle bulsa kiräk. İyun’ aenda Tatarstan prezidentı Kırımtatar telendä näşer itelüçe «Yoldız» ädäbi-näfis jurnalına da matdi yärdäm kürsätkän ide.

    «Azatlık» radiosı

Фикер калдырырга

Обязательные поля отмечены *

*