Олы Тархан авылы мәдәният йортында ТР язучысы Ринат Нуруллинның Тарханда туып-үскән Фаиз Җомагылов тормышы һәм язмышы хакында “Кара тактада ак эз” исемле китабын тәкъдим итү кичәсе узды.

Чарада авыл җирлеге җитәкчелеге, Казаннан, Ульяннан мәртәбәле кунаклар, район “Тәтеш таңнары” хезмәткәре, җирле “Ак калфак” оешмасы вәкилләре Сания Сәмигуллина белән Гөлчәчәк Зәйнуллина,  урта мәктәп укытучылары һәм укытучылары катнашты.

Әнәс Җомагыловның матди ярдәме белән басылып чыккан китапны тәкъдим итү кичәсе барлык якташларына һәм яшь буынга Фаиз Җомагыловның тормыш тарихын барлау мөмкинлеген бүләк итте. Оештырылган кичә укучылар, укытучылар, мәдәният хезмәткәрләренең матур җырлары, шигырьләре, биюләре белән үрелеп барды.

Сания Сәмигуллина