Төмән өлкәсенең Ямбай авылында Нигмәтулла хаҗи исемендәге мәчет ансамленә нигез салынуның 130 еллыгын билгеләп үтәләр. Төмән районы татар автономиясе хәбәр итүенчә, чара 15 июньдә узачак. Шул ук көнне авылда районкүләм Ураза Гаетен дә бәйрәм итәчәкләр.
Программа иртәнге сәгать 9.00 да бәйрәм намазы уку белән башланачак. Аннан соң тантаналы чаралар уздыру күздә тотыла.
