Төмән өлкәсе мөселманнары шушы көннәрдә татар дин галимнәренең рухи мирасы белән таныша. Шушы максатлардан Татарстан Диния Нәзарәте вәкилләре өлкә мөфтие Зиннәт хәзрәт Садыйков чакыруы буенча Төмән имамнарына татар дини хезмәтләр турында лекцияләр укый.
Төмән өлкәсенең мөселман дини оешмаларында хезмәт куючы мәчет имамнары өчен уку курсларын оештыруда лекторлар белән ярдәм күрсәткәннәре өчен Зиннәт хәзрәт Садыйков Татарстан мөфтие Камил хәзрәт Сәмигуллинга зур рәхмәтләрен җиткерде.
