Түбән Камада үткән беренче Сабантуйның абсолют батыры Маһиян ага Фәрдиев вафат. Көзгә аңа 82 яшь туласы булган.
Маһиян Фәрдиев 1938 елның 5 ноябрендә Кызыл Чапчак авылында туган. Авыр сугыш елларында яшьли колхозда эшли, армиядән кайткач, милли көрәш белән мавыгып китә. Сабантуйларда күп тапкырлар батыр кала. Маһиян ага ел саен Түбән Кама Сабан туен әзерләүдә һәм үткәрүдә актив катнашып килде.
Туганнары, якыннарының авыр кайгысын уртаклашабыз.
