11 март көнне Уфада университетлар арасында – “Татар егете” конкурсы узачак.

Программада: концерт, театрләштерелгән конкурс өлешләре, һәм онытылмаслык – чәк-чәк, түбәтәй, кымыз елгалары!

“Татар егете” конкурсы Башкортстанда беренче тапкыр үткәрелә. Оештыручылар: Башкортстан “Берлек” татар яшьләре оешмасы һәм Уфа дәүләт авиация техник университеты.

“Милләтнең дәвамы булыр өчен, үз халкыңның тарихын, телен, мәдәниятен белергә кирәк. Шул исәптән без бу чараны үткәрергә булдык. 21 гасыр татар егете бугенге көндә нинди? Шул сорауга җавап табыр өчен сезне “Татар егете” конкурсында көтеп калабыз!”