“Урал моңы-2018” төрки яшьләр Халыкара конкурс-фестиваленә Башкортстанга якын чит илләрдән һәм Россия төбәкләреннән иң яхшы иҗат коллективлары һәм башкаручылар җыелды. Катнашучылар Төркия, Казахстан, Кыргызстан, Узбәкстан, Саха (Якутия), Дагыстан, Алтай, Тыва, Татарстан, Башкортстан республикасыннан, Мәскәү һәм Әстерхан шәһәрләреннән килгән.
Конкурста җиңүчеләрне бүләкләү тантанасы Х.Әхмәтов исемендәге Башкорт дәүләт филармониясендә узды.
Бүген, 9 июньдә, бәйгедә катнашучылар «Евразия йөрәге» сәнгать фестивале кысаларында «UFA-Kuraifest» проектында чыгыш ясый. 10 июньдә фестиваль Ишембай районында Торатау итәгендә гала-концерт белән төгәлләнәчәк.
