27 октябрь көнне бөтен татар дөньясында “Татарча диктант” үтә. Быел беренче тапкыр “Татарча яз” акциясенә Ульяновск шәһәре дә катнашты.

“Татарча диктант”ны “Яңа буын” яшьләр оешмасы өлкә татар милли-мәдәни автономиясе белән берлектә Татар мәдәният үзәгендә уздырды. Акцияда катнашырга теләүчеләр саны 50 дән артты. Ул мәктәп укучылары да, урта һәм югары белем алу уку йортлары студентлары, яшь гаиләләр дә бик актив катнашты.

Диктант җиңел, бәйрәмчә узды. Диктанты яхшы дикцияле филолог, югары категорияле укытучы Әлфия Әбетдинова укыды.