Ульяновск татар мәдәният үзәгендэ герой шагыйрь Муса Җәлил истәлегенә багышлап шахмат буенча 8 нче өлкә турниры узды. Анда шәһәрдән һәм өлкә районнарыннан 37 уенчы катнашты.

Турнир башланыр алдыннан мәдәният үзәге артистлары шагыйрь иҗатына багышланган әдәби-музыкаль кичә күрсәттеләр. Быелгы бәйгедә төрле милләт вәкилләре катнашты. Җиңүчеләргә акчалата премия һәм Муса Җәлилнең рус һәм татар телләрендәге шигырь китаплары тапшырылды.