Бүген Ульяновск өлкәсенең Татар милли мәдәни үзәгендә өлкәнең татар теле һәм әдәбияты укытучыларының VI съезды уза. Әлеге чара Ульяновск өлкәсенең мәгариф һәм фән министрлыгы, Мәгарифне үстерү институты һәм Ульяновск өлкәсенең татар милли-мәдәни автономиясе белән оештырылды.

Чарада Ульяновск өлкәсе һәм күрше Татарстан районнарыннан 200дән артык укытучы, тәрбиячеләр катнаша. Шулай ук съезда ТР Мәгариф һәм фән министрлыгыннан Гөлия Мусина, Казан федераль университеты профессоры Әлфия Йосыпова, Бөтендөнья татар конгрессы хезмәткәре Булат Ибраһимов та катнаша.