Бөтендөнья татар конгрессына Австралиянең Татар-башкорт Ассоциациясе башкарма комитеты исеменнән Зыя Маски имзалаган котлау хаты килде.

“Хөрмәтле дин кардәшләр, милләттәшләр, дуслар! Изге Рамазан аебыз тәмамланды. Раббыбыз Аллах  бу айда тоткан уразаларыбызны, укыган тәравихларыбызны, тапшырган фитра садакаларыбызны, укыган Корьәнебезне вә кылган барча саваплы  эшләребезне кабул әйләсен иде, Киләчәк Рамазан айларыбызга да исәнлектә ирешергә насыйп итсен. Шатлыклы Рамазан бәйрәме котлы булсын!” – диелә әлеге хатта.