Рәшит Ваһапов исемендәге Халыкара татар җыры фестивале яңа концерт сезонына багышланган матбугат конференциясе үткәрә. Очрашуда фестивальнең яңа проектлары турында сүз барачак:
- “Илһам Шакиров ядкәре”;
- “Яңа татар җыры” конкурсы;
- Ваһапов фестивален Италиядә тәкъдим итү һ.б.
Матбугат чарасында Татарстан Дәүләт Советының фән, мәгариф, мәдәният һәм милли мәсьәләләр комитеты рәисе Разил Вәлиев, фестивальнең генераль продюсеры Рифат Фәттахов һәм фестиваль лауреатлары Гөлсирин Абдуллина, Азат Абитов, Рәнис Габбазов, Зәлилә катнашачак.
Вакыты: 2019 елның 11 сентябре, 11:00.
Урыны: Казан шәһәре, “Шаляпин палас” кунакханәсе, 2 кат, “Толстой” залы.
