Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразиев бүген Казахстан Республикасында эшлекле сәфәрдә.

Васил Шәйхразиев Уральск шәһәрендә татар халкының рухын саклап тора торган урыннар: 200 еллык тарихы булган һәм 1917 елда Казанда Идел-Урал мәдәни-милли автономиясе турындагы декларацияне кабул итүдә катнашкан Мөхәммәтгариф Тулбаев исемен йөрткән Кызыл мәчеттә, Габдулла Тукай музеенда булды. Габдулла Тукайга Уральск шәһәрендә куелган һәйкәл белән танышты.