Америка Кушма Штатларының көнъяк-көнчыгышындагы Флорида штатында татарлар сабантуен бик яратып, бергә җыелып уздыра. Быел да алар милли уеннар да уйнап, җырлап, биеп күңел ачты. Әлеге видеоязманы безгә шунда яшәүче милләттәшләребез, төгәлрәк әйтсәк, Регина юллады. Ул үзе дә җырларга ярата. Видеода сез аны күрерсез. Регинага зур рәхмәтебезне җиткерәбез, ә Сезгә окена артында яшәүче милләттәшләребезнең милли бәйрәмдә ничек ял итүен карарга тәкъдим итәбез. Шулай бердәм булыйк!