Алтай краендагы Беленькое авылында 100 дән артык татар кешесе гомер итә. Авылның татарча атамасы – Бөкре. Бирегә халык килеп яши башлаганга 155 еллар тирәсе дип фаразлыйлар. Шулай да төгәл мәгълүмат юк.  Сабан туе икенче тапкыр оештырыла. Татарның милли бәйрәменә Алтай краеның 10 районыннан һәм 4 шәһәреннән килгәннәр. Татарстаннан кунак булып, Бөтендөнья татар конгрессының мәдәният буенча җаваплы хезмәткәре Алмаз Нургалиев катнашты. “Конгресс мөнбәре” тапшыруында ул әлеге чарада күргәннәре, кичерешләре белән уртаклаша.