enrutat
Баш бит / ВИДЕО: “Татар малае -2018” бәйгесенең финалы

ВИДЕО: “Татар малае -2018” бәйгесенең финалы

21 май көнне Казан шәһәренең А.Алиш исемендәге 20нче гимназиясендә “Татар малае — 2018” бәйгесенең финал өлеше булып узды. “Татар малае -2018” исеменә Казан шәһәре районнарының балалар бакчасында узган сайлап алу турларында җиңүче 6 малай көч сынашты. 5-7 яшьлек малайлар «Визит карточкасы», «Егет кешегә җитмеш төрле һөнәр дә аз», «Оста балыкчы» һәм «Татар халык йолалары» дигән этапларда ярыштылар.

Бәйге нәтиҗәләре буенча:

Фәрхәт Гарәфиев (366нчы балалар бакчасы) — Гран-при;

Илназ Борһанов (67нче балалар бакчасы) “Иң уңган малай”;

Алмаз Камалиев (3нче балалар бакчасы) “Иң зыялы татар малае”;

Әмир Мозаффаров (50нче балалар бакчасы) “Милләтпәрвәр”;

Аслан Миргаязов (54нче балалар бакчасы)  “Сәхнә остасы”;

Мостафа Закиров (103нче балалар бакчасы) “Иң зыялы татар малае” – дигән исемнәргә лаек булдылар.

Чара Бөтендөнья татар конгрессы, “Ак калфак” татар хатын-кызлары иҗтимагый оешмасы ярдәме белән оештырылды. Бәйге быел тәүге тапкыр уздырылды.

Фикер калдырырга

Обязательные поля отмечены *

*