Безнең ут күршеләребез Ульяновск өлкәсендә агымдагы 2021 нче ел Губернатор карары белән “Китап елы” дип игълан ителде. Ә төбәкнең татар милли-мәдәни автономиясе исә бу елны “Татар китабы елы” буларак билгеләп узачак. Шул уңайдан автономиянең һәм өлкәнең Каюм Насыйри исемендәге мәгърифәт үзәгенең быелгы эш планнарына китапка, аның тарихына һәм татар язучыларына кагылышлы байтак кына кызыклы чаралар кертелгән. Яңа елның беренче көннәрдә өлкәнең татар мәдәният Үзәгендә “Татар китабы елы”н ачу тантанасы булды. Татарстан язучылары катнашында узган чарадан үз хәбәрчебез Рамис Сафин репортажы.