Татар халкы һәм Татарстан Республикасы дәүләтчелек тарихы музеенда “XX гасыр татар тарихы” темасына “Акыл фабрикасы” белем бирү һәм проектлар төзү мәктәбенең лекториясе узды. Биредә Фәннәр Академиясе һәм Ш.Мәрҗәни исемендәге Тарих Институты директоры Рафаэль Хәкимов, Казан федераль университетының татарны өйрәнү һәм тюркология кафедрасы ассистенты Илдар Шәфыйков, Бөтендөнья татар яшьләре форумы рәисе урынбасары, тарих фәннәре кандидаты Айрат Фәйзрахманов чыгышлары тыңланды. Акыл фабрикасы лекториясе кысаларында “Татарларның килеп чыгышы” дип аталган видеороликның премьерасы булды.