Яңа Чишмә районы Чаллы Башы авылы мәчетендә балаларга дини белем бирү атналыгы эшләп килә. Анда “Ак калфак” татар хатын-кызлары оешмасының Яңа Чишмә бүлекчәсе җитәкчесе Дәүләтшина И.К. булып кайтты. Белем бирү атналыгын Казан ислам университеты “Коръән хафизлар өйрәнү үзәге” укучысы Сөнгатуллин Рәнис оештырган. Балалар монда гарәп хәрефләре өйрәнәләр, ял вакытында төрле күңелле уеннар уйныйлар һәм чәй эчәләр. Мәчеттә рәсемен ясау буенча бәйге игълан ителгән, дип хәбәр итә “Ак калфак” татар хатын-кызлары оешмасының Яңа Чишмә бүлекчәсе.