Хөрмәтле Индус Ризак улы!

Сезне күркәм 90 яшьлек юбилеегыз белән Бөтендөнья татар конгрессы коллективы исеменнән ихлас йөрәктән тәбрик итәбез!

Сез — татар халкының тарихын, рухи мирасын һәм милли үзаңын саклау һәм үстерү юлында бәяләп бетергесез хезмәт куйган олуг шәхес. Танылган галим, тарих фәннәре докторы буларак та, Бөтендөнья татар конгрессының беренче җитәкчесе буларак та, Сез милләтебезне берләштерүгә, дөнья буйлап сибелгән татарлар арасында рухи күперләр коруга зур көч куйдыгыз.

Сезнең тирән белемегез, акыллы фикерләрегез, зирәк җитәкчелегегез һәм милләт язмышына битараф булмаган йөрәгегез күп буыннар өчен үрнәк булып тора. Сез халкыбыз тарихында тирән эз калдырган, милләтебезнең абруен күтәргән шәхес.

Олуг юбилеегыз көнендә Сезгә ныклы сәламәтлек, күңел тынычлыгы, озын гомер, гаилә бәхете һәм якыннарыгызның җылысын тоеп яшәвегезне телибез. Алдагы көннәрегез дә хөрмәт-хөрмәтләү, күңел күтәренкелеге һәм игелекле вакыйгалар белән тулып торсын!

Иң изге теләкләр белән,

Татарстан Республикасы Премьер министры урынбасары,

Бөтендөнья татар конгрессының милли Шурасы рәисе Васил Шәйхразыев