Россия халыклары бердәмлеге елында, «ON Лейбл» музыкаль лейбл (МТС Компанияләр төркеменә керә) Президентның мәдәни инициативалар фонды ярдәме белән «Чыганак. Традициянең яңа яңгырашы» проектын башлап җибәрде. Аның максаты — Россия халыкларының традицион мәдәнияте белән эшләүче яшь музыкантларга ярдәм күрсәтү.

Проект кысаларында рус, татар, черкес, коми-пермяк, удмурт, чуаш телләрендә сигез җыр һәм клип дөнья күрәчәк. Проектның мөһим өлеше – традицион фольклор мәдәнияте һәм заманча актуаль яңгырашны берләштерү. Бу реконструкция түгел, ә стилизация – яшь буынга аңлаешлы заманча җырлар. Проект 10 июньдә старт алды. Ул Россия көне уңаеннан гамәлгә ашырыла башлады. 22 августта, Россия Флагы көнендә барлык җырлар да бер плейлистка тупланачак һәм барлык музыкаль стримингларда да урнаштырылачак.

8 июльдә проектның татарча җыры — Beku (Белла Джанджгава) башкаруындагы «Ак калфак» дөнья күрде. Beku — Казан җырчысы, җырлар авторы һәм актриса, иҗатында этник һәм традицион мотивларга тирән игътибар бирүче үзенчәлекле башкаручы. Кызыклы факт: җырчының туган теле — грузин теле. Лщкин ул Татарстан мәдәни тормышында катнаша, татар телендә каверлар һәм җырлар яздыра.