Татарстанның Балтач районы Норма татар авылында тел интенсивы оештырылачак. Аны «Миллиард.Татар» һәм «Тарихлы сәяхәтләр» проектлары үткәрә. Интенсив 2026 елның 3 июленнән 5 июленә кадәр узачак.
Интенсивның төп үзенчәлеге – профессор, полиглот һәм татар телен мөстәкыйль үзләштергән белгеч Алексей Арзамазов белән дәресләр.
Укудан тыш, катнашучыларны авыл тормышы белән танышу көтә: кунаклар җирле халык йортларында яшәячәк. Программага шулай ук мәдәни чаралар да кертелгән.
