Әлмәтнең «Җиңел канатлар» урам театры Казан Кремлендә Габдулла Тукайның 140 еллыгына багышланган спектакль күрсәтте.

Урам спектакле тамашачыларга «Күрше» фестивале кысаларында тәкъдим ителде. Спектакльнең режиссёры — Анна Шишкина. Ул тамашаны эшләгәндә Габдулла Тукайның шәхси көндәлекләре белән илһамланган.

Спектакльдә өч артист (Салават Кашапов, Эльвира Галиәскәрова һәм Ришат Зарипов) катнаша.

Проект Санкт-Петербургның «Странствующие куклы господина Пэжо» театры белән берлектә, «Татнефть» хәйрия фонды һәм ТР Театр эшлеклеләре берлеге ярдәмендә гамәлгә ашырылган.