4 июльдә, төбәк башлыгы Александр Соколов Малмыж районының Калинино авылында өлкә Сабан туенда катнашты. Чәчү эшләре тәмамлануга багышланган тантана быел 20 мең кешене берләштерде. Алар арасында татарлар гына түгел, ә төрле милләт һәм мәдәният вәкилләре бар иде.

“Сабантуй Киров өлкәсенең иң күпмилләтле Малмыж районында узды. Анда электән үк руслар, татарлар, марилар, удмуртлар, башка халык вәкилләре дус-тату яши, бер-берсенә кунакка йөри, милләтара гаиләләр кора. Сабантуй — хезмәт кешеләре бәйрәме. Һәм бүгенге бәйрәм яхшы уңыш, йортларда иминлек һәм илдә бәхет булсынга нигез булсын”, — диде губернатор.

Депутатлар Андрей Березин һәм Илгиз Борханов, үз чиратларында, Сабантуйны милли йола гына түгел, ә күпкә мөһимрәк чара дип атадылар. Аларның сүзләренчә, бу — татар халкының борынгы гореф-гадәте һәм хезмәткә һәм дуслыкка чын гимн. Аны Малмыж районы халкы барлык кешеләр өчен гомуми бәйрәмгә әверелдергән.

Бәйрәмнең ачылу тантанасында иҗтимагый тормышта катнашканнары һәм күпьеллык намуслы эшләре өчен җирле предприятиеләрнең җитәкчеләре һәм хезмәткәрләре сәхнәдә губернатор кулларыннан мактау грамоталары алдылар.

Тантаналы ачылыш тәмамланганнан соң, программа иҗат коллективлары концерты, милли уеннар, көрәш ярышы белән дәвам итте. Аланда милли ишегаллары эшләде. Анда теләгән һәркем русларның, татарларның, мариларның һәм удмуртларның үзенчәлекле мәдәнияте белән таныша алды.

Бәйрәм кунаклары ат чабышларын, көрәш буенча милли ярышларны мавыгып күзәттеләр, уеннарда һәм конкурсларда катнаштылар. Балалар өчен аттракционнар һәм башка күңел ачу чаралары эшләде.

Киров өлкәсе татар конгрессы