4 июльдә Курган өлкәсенең Әлмән авылында Сабантуй бәйрәмен зурлап билгеләп үттеләр. Әлмән авылы үзенең уникаль үзенчәлекле мәдәнияте, татар, башкорт һәм рус халыклары традицияләрен берләштергән муниципаль округ үзәге булып тора. Авыл халкы Курган өлкәсенең, Башкортостан Республикасының һәм Татарстан Республикасының мактаулы кунакларын милли ризыклар һәм җырлар белән каршы алды.
Татарстан Республикасының атказанган мәдәният хезмәткәре Ләйсән Латыйпова җитәкчелегендәге прологта, «Шаян» Россия Федерациясенең атказанган халык иҗаты коллективы, «Талларым» татар эстрада җыры ансамбле, Үзәкләштерелгән клуб системасының җыелма ансамбле Россия халыклары бердәмлеге елына һәм Татарстан Республикасында хәрби һәм хезмәт батырлыгы елына багышланган тормыш картинасы тәкъдим ителде.
Бәйрәм кунаклары Менделеевск районы татар халкының милли гореф-гадәтләре һәм көнкүреше белән танышты, мичтән борынгы рецептлар буенча коймаклардан авыз иттеләр һәм кулдан эшләнгән милли бизәнү әйберләре сатып ала алдылар. Менделеевск районы иҗат коллективлары чыгышы бәйрәм программасының үзәгендә булды. Төп сәхнәдәге концерт тамашачыларга онытылмаслык хисләр һәм милли мотивлар бүләк итте.
Сабантуй мәдәни традицияләрнең йөрәкләрне якынайтуын, кече Ватаныбызны тагын да дусрак һәм кунакчылрак итүен кабат исбатлады. Менделеевск командасы Курган өлкәсенә һәм Әлмән районы җитәкчелегенә ихлас күңелдән җылы кабул итүләре өчен рәхмәт белдерә. Менделеевск мәйданчыгын оештыручылар буларак, без бу көнне туган мәдәнияткә мәхәббәт, гореф-гадәтләргә тирән хөрмәт һәм һәр кунакка игътибарны юнәлтергә тырыштык.
