Омскида үтүче XXVI Федераль Сабан туеның көрәш турниры төгәлләнде.

Абсолют батыр исеменә Радик Сәләхов лаек булды. Ул – Татарстанда гына түгел, дөнья күләмендә танылган көрәшче, күпьеллык спорт рекордсмены. Радик Сәлахов бүген татар көрәше тарихында иң титуллы һәм көчле батырларның берсе.

Батырга тәкә һәм Татарстан Республикасы Рәисе бүләге – машина ачкычы тапшырылды.

Омск батыры Шамил Мусаев исә Омск өлкәсе губернаторы Виталий Хоценко исеменнән «Нива» автомобиленә лаек булды.