Бүген XXVI Федераль Сабантуй кысаларында Омский филармониясендә Татарстан Республикасы сәнгать осталары концерты гөрләп узды. Чарада Татарстан Республикасы Дәүләт җыр һәм бию ансамбле бай эчтәлекле концерт программасын тәкъдим итте. Шулай ук сәхнәдә «Омск рус халык хоры» һәм узган ел «Татар җыры» төбәк конкурсында беренче урын яулаган үзешчән коллектив чыгыш ясады.

Бу чара төрле милләт мәдәниятен берләштерү, шулай ук Сабантуй бәйрәменең кунакчыл рухын Себер җирлегендә лаеклы рәвештә тәкъдим итү юлында зур мәдәни вакыйгага әверелде.