Татарстан көрәшчесе Радик Сәләхов Мордовия Республикасының Ләмбрә районы Аксён авылындагы Республика Сабантуеның абсолют батыры булды.

Ул Татарстан Республикасы Рәисе бүләге — автомобильгә лаек булды. Бүләкне — “Лада Гранта” автомобиле ачкычын һәм тәкәне Батырга Бөтендөнья татар конгрессы Милли Шура рәисенең беренче урынбасары —Бөтендөнья татар конгрессы Башкарма комитеты җитәкчесе, Татарстан Республикасы Дәүләт Советы депутаты Данис Шакиров тапшырды.

Белешмә: Радик Сәлахов-Россиянең атказанган спорт мастеры. Татарстанның Зәй районы егете.

Казанышлары:

*Көрәш буенча БДБ Халыкара чемпионатының абсолют чемпионы.

*Өч тапкыр дөнья чемпионы.

*БРИКС уеннары җиңүчесе.

*Биш тапкыр Россия чемпионы.

*Дөнья Кубогы җиңүчесе (шул исәптән Мәскәү Сабантуе кысаларында Коломенскида)

*Саха (Якутия) Республикасында Федераль Сабантуйда абсолют батыр.

Радик Сәлахов карьерасында барлыгы 22 машина откан.