Бөтендөнья татар конгрессы 2023 елның 19-21 май көннәрендә “Милли тормыш һәм дин” XIII Бөтенроссия татар дин әһелләре форумын үткәрә. Бүген форумның пленар утырышы уза.
Биредә Россия Мөфтиләр Шурасы рәисе, Россия Федерациясе мөселманнары Диния нәзарәте рәисе, мөфти-шәйх Равил хәзрәт Гайнетдин чыгыш ясады.
“Хөрмәтле имамнар, дин әһелләре, Татарстан Республикасы һәм Казан шәһәре бу көннәрдә ислам дөньясының истәлекле илләреннән бик күп кунаклар кабул итә. Икътисади хезмәттәшлек форумы, стратегик күзаллау төркеме утырышлары узды. Республика Рәисе Рөстәм Миңнеханов йөзендә Татарстанга, иллебез җитәкчелеге тарафыннан Россия белән ислам дөньясында күпер булдыруның мөһим бурычы йөкләнде.” – диде Равил хәзрәт Гайнетдин.
