Сухумда узучы Сабантуйда Татарстан Республикасы Рәисе Рөстәм Миңнеханов Абхазиядәге татар иҗтимагый оешмалары активистларына дәүләт бүләкләре тапшырды.
Татар милли мәдәниятен саклауга һәм үстерүгә, шулай ук актив иҗтимагый эшчәнлек өчен, «Дуслык» җәмгыяте активистлары билгеләп үтелде.
«Фидакарь хезмәт өчен» медале белән «Дуслык» татар җәмгыяте әгъзасы Илалов Радик бүләкләнде. Аның күпьеллык һәм нәтиҗәле эшчәнлегенә югары бәя бирелде.
Моннан тыш, мәдәни тормышка зур өлеш керткән өчен, Татарстан Республикасы Рәисенең Рәхмәт хатлары белән «Дуслык» җәмгыяте рәисе урынбасары Мингалимова Сания һәм «Дуслык» җәмгыяте әгъзасы Рамазанов Ринат бүләкләнделәр.
Рәис Рөстәм Миңнеханов Абхазиядәге татар җәмгыятенә милли мирасны популярлаштыру өчен рәхмәт сүзләрен җиткерде.
