Бүген Татарстан Республикасы Премьер-министры урынбасары, Бөтендөнья татар конгрессының Милли Шурасы рәисе Васил Шәйхразыев эш сәфәре белән Мари Эл Республикасына килде.
Биредә Милли Шурасы рәисе XXIV Федераль Сабантуйга әзерлек һәм аны уздыру буенча оештыру комитеты утырышында катнашты. Шулай ук Милли Шура рәисе Сабан туе узачак мәйдан белән танышты.
XXIV Федераль Сабан туе Медведево районында урнашкан ипподромда узачак. Анда ат чабышлары уздыру, күпләп халыкны кабул итү өчен шартлар бар. Медведево ипподромның гомуми мәйданы 165 мең кв.м. Ул Йошкар-Оладан 3 км ераклыкта урнашкан.
