Алар гаиләсе моннан 20 ел элек районның еллар буе эшкәртелми яткан йөзләгән гектар җирен, колхозларның дистәләгән ташландык хәлдәге терлек фермаларын, амбарларын алып авылларны бетүдән саклап кала. Алай гына да түгел, эшсезләрне эш биреп байтак гаиләне ашлы итәләр. Сүзебез Ульяновск өлкәсенең Радищево районында яшәүче Зәйтүнә һәм Юныс Бирюковлар гаиләсе турында бара. Безнең бу төбәктәге хәбәрчебез Рамис Сафин алар яшәүче бистәдә булып ишле гаилә тормышы һәм аларның хезмәт эшчәнлеге белән дә танышып кайтты.