Чиләбе өлкәсе Кунашакск районы Уелга күле ярында алтын белән йөгертелгән ат җигү әсбаплары һәм хайван сөякләре табылган. Галимнәр әсбапларның безнең эрага кадәр Х гасырга караганлыгы турында белдерә.

Археологик казулар белән шөгыльләнгән белгечләр фикеренчә, нәкъ әлеге урында Көньяк Урал территориясендә яшәүче халыклар – татар, башкорт, казах һәм венгрларларның  тарихы башланган.

Мондый казылмалар төбәктә беренче түгел. Моңа кадәр Сугомакск мәгарәсендә 1000 ел элек кулланылган керамик әсбаплар һәм кеше җирләүгә кагылышлы әйберләр табылган.

фото:  lentachel.ru