Сезон ачылу – һәрчак тантаналы, дулкынландыргыч һәм көтеп алынган вакыйга. Минзәләнең үз театры, аның күренекле артистлары булу безне бәхетле итә.

Минзәлә театры коллективы өчен 2019 ел уңышлы булды, алар Казахстанда һәм Рәсәйнең Мәскәү, Волгоград, Махачкала шәһәрләрендә чыгыш ясадылар. Узган ел нәтиҗәләре буенча “Ел артисты-2018” дигән номинациядә театрда махсус кубок булдырылды. Әлеге кубокка театр артисты Ильяс Закиров лаек булды.

Коллектив сезонны Әнгам Әтнабаевның “Кыз урлау” музыкаль комедия премьерасы белән ачып җибәрде.

 Гөлчәчәк Габдрахманова